30 Aprel 2020, 11:42 | Ana Səhifə - Yazılar - Qazandıqlarımızı itirə bilərik!
Qazandıqlarımızı itirə bilərik!

Elman Babayev


Azərbaycanın koronavirusla mübarizə istiqamətində sərgilədiyi çevik və qətiyyətli tədbirlərin olduqca müsbət nəticələri var. Biz o ölkələrdənik ki, xəstəlikdən həyatını itirənlərin sayı az, sağalanların sayı isə çoxdur, eyni zamanda infeksiyanın daha geniş arealda yayılmasının qarşısı alınıb.
Ümumdünya Səhiyyə Təşkilatı kimi nüfuzlu qurum bəyanat yayaraq Azərbaycanı bütün dünyaya koronavirusla mübarizə sahəsində nümunə kimi göstərib. Vəziyyət qürurvericidir. Buna isə hakimiyyətin vaxt itirilmədən zamanında verdiyi qərarlar, iqtidarla xalqın həmrəyliyi sayəsində nail olunub. Amma qazandığımız bütün bu uğurları bir anda itirə bilərik...

Görünən odur ki, aprelin 27-dən xüsusi karantin rejiminin müəyyən qədər yumşaldılması ilə əlaqədar verilən qərardan sonra təhlükənin tamamilə sovuşduğu əhval-ruhiyyəsi hökm sürməkdədir. Sanki hər şey arxada qalıb. Həqiqətən belədirmi? Birmənalı olaraq yox!

Bütün dünyada ümumi rəy ondan ibarətdir ki, xəstəliyin ikinci dalğası yayıla bilər. “Buna şərait yaradan amil nə ola bilər” sualına isə cavab birdir - məsuliyyətsizlik, qaydalara əməl etməmək.

Azərbaycanda da eyni prosesin, xəstəliyin növbəti dalğasının yaşanması mümkündür. Çünki xüsusi karantin rejiminin yumşaldılmasından sonra insanlarımızın davranışları olduqca məyusedicidir. Tibbi maskaların taxılmamasının, sosial məsafənin gözlənilməməsinin, küçələrdə izahı olmayan qələbəliyin, zəruri ehtiyac olmadan çölə çıxmaların şahidiyik. Sanki kimisə aldadırıq, kiməsə acıq edirik və bu aldanışın hər birimizə, ümumilikdə dövlətimizə vura biləcəyi zərərin isə fərqində deyilik. Bu davranışların bizi hara aparacağını təsəvvür belə etmək istəmirik.

Belə davam etsək nə baş verəcək? İnfeksiyanın yayılması ilə bağlı son günlər hamımızın sevinclə oxuduğumuz müsbət statistika bir anda əks istiqamətə dəyişəcək. Tətbiq olunan yumşalıdıcı tədbirlər bərpa olunacaq. Azərbaycan dövlətinin iqtisadi baxımdan itkiləri arzuolunmaz səviyyəyə çatacaq. Anlamalıyıq ki, xüsusi karantin rejimi iqtisadi baxımdan dövlətə ciddi zərər vurmaqdadır. Neftin qiymətinin dünya bazarlarında kəskin enməsini də nəzərə alsaq, itkilərin miqyasını göz önünə almaq mümkündür. Bu vəziyyətdə hakimiyyət ilk gündən daha yumşaq tədbirlər tətbiq edib iqtisadi maraqları önə çəkə bilərdi. Amma fərqli varianta - insanların sağlamlığının daha önəmli olması variantına üstünlük verildi.

Azərbaycan dövləti heç də asan olmayan qərar verib: iqtisadi inkişafımıza böyük zərbənin dəyəcəyinə rəğmən, insanların həyatını və sağlamlığını qorumaq! 3,5 milyard manat və ya 2 milyard dollardan çox vəsait koronavirusla mübarizə tədbirlərinə yönəldilib. Bu tədbirlər sırasında ən xırda detallar belə yer alıb.
Zaman baxımından qısa olsa da, böyük bir yol qət edilib və nümayiş etdirdiyimiz qərarlılıq, həmrəylik nəticəsində ciddi nəticələr qazanılıb. Belə bir durumda Azərbaycan hakimiyyəti aprelin 27-də başqa bir yol tuta bilərdi - xüsusi karantin rejimini tamamilə ləğv edə, iqtisadi itikilərin bərpası ilə məşğul ola bilərdi. Amma gördüyümüz kimi buna gedilməyib. Ehtiyatlı və düşünlümüş, eyni zamanda xalqın sağlamlığının daha önəmli olduğu varianta yenə də üstünlük verilib.

Daha böyük nəticələr qazanmaq indi özümüzə, davranışlarımıza bağlıdır. Məsuliyyətsiz davraınıb yumşaldıcı tədbirlərdən sui-istifadə etsək, əhali arasında virusa yoluxma tempi yenidən yüksələcək və prosesin ikinci dalğası tam real olacaq. Bu reallıq isə bizi daha böyük itkilərlə üz-üzə qoyacaq və onun ağır nəticələrini aradan qaldırmaq çətin olacaq.
Nə etməliyik?

1. COVID-19 xəstəliyinin uzunmüddətli proses olduğunu bir an olsun belə ağlımızdan çıxarmamlıyıq.
2. Mövcud karantin qaydalarına, xüsusilə gigiyena qaydalarına daha ciddi riayət etməliyik.
3. Kütləvilikdən qaçmalı, sosial məsafə gözləməli və digər tələblərə ciddi yanaşmalıyıq.

Artıq müəyyən mərhələ arxada qalıb və qaydaların nədən ibarət olduğunu, gigiyena qaydalarına necə əməl etməyi hamımız çox yaxşı bilirik. Bununla bağlı geniş maarifləndirmə işləri aparılıb. Qalır nfeksiyanın hələ bir müddət bizimlə olacağını tam anlamaq və qaydalara əməl etmək.
Biz vətəndaş olaraq, bütövlükdə dövlət olaraq yolun sonuna yaxınlaşmışıq. Səbr, vətəndaş məsuliyyəti bizi bu sona çatmağa apara biləcək yeganə amildir. Bir sıra məhdudiyyətlər götürülsə belə, profilaktik tədbirlərə, sanitar normalara uygun davranmaqla bu çətinliyi, sınağı arxada qoymaq an məsələsidir. O anı əlimizdən qaçırmayaq!

MÜƏLLİFİN DİGƏR YAZILARI
Somalidə toqquşma - 30 ölü 25 Oktyabr 2021, 00:52 Pikassonun 11 əsəri 110 milyon dollara satıldı - FOTOLAR 25 Oktyabr 2021, 00:38 XİN-dən Qubadlı PAYLAŞIMI 25 Oktyabr 2021, 00:14 Qubadlının işğaldan azad olunmasından 1 İL ÖTÜR 25 Oktyabr 2021, 00:05 Türkiyədə koronavirusla bağlı son vəziyyət 24 Oktyabr 2021, 23:48 Nigeriyada neft zavodunda partlayış: 25 ölü 24 Oktyabr 2021, 23:20 AMEA-nın folklorşünas alimi VƏFAT ETDİ 24 Oktyabr 2021, 22:58 Cüdoçularımızdan dünya çempionatında 8 MEDAL 24 Oktyabr 2021, 22:51 Füzuli Beynəlxalq Hava Limanındandan VİDEOREPORTAJ 24 Oktyabr 2021, 22:18 “Liverpul” “Mançester Yunayted”ı darmadağın etdi 24 Oktyabr 2021, 22:08 Özbəkistan SEÇKİLƏR -Fəallıq 80%-dən çox olub 24 Oktyabr 2021, 21:51 Gürcüstan-Ermənistan sərhədində ZƏLZƏLƏ 24 Oktyabr 2021, 21:32 Aİ Kabildə diplomatik missiyasını BƏRPA EDİR 24 Oktyabr 2021, 21:14 Özbəkistanda prezident seçkiləri YEKUNLAŞDI 24 Oktyabr 2021, 21:02 "Real Madrid" "Barselona"nı səfərdə məğlub etdi 24 Oktyabr 2021, 20:23 Daha biri koronavirus xəstəsi Metroda 24 Oktyabr 2021, 20:10 Rusiyada təyyarə qəzası - Ölənlər var 24 Oktyabr 2021, 19:45 “Qəbələ” “Keşlə”yə qalib gəldi 24 Oktyabr 2021, 19:12 DİM imtahan nəticələrini AÇIQLADI 24 Oktyabr 2021, 19:08 Qətlə yetirilən soydaşımızın nəşi vətənə GƏTİRİLƏCƏK 24 Oktyabr 2021, 17:59 Əlcəzairdən fransızca qadağası 24 Oktyabr 2021, 17:44 Consondan çağırış 24 Oktyabr 2021, 17:36 Koronavirusa qarşı PEYVƏNDLƏNƏNLƏR 24 Oktyabr 2021, 17:25 Son sutkada YOLUXANLAR - Ölənlər artdı 24 Oktyabr 2021, 17:21 İranda koronavirus mənzərəsi 24 Oktyabr 2021, 17:19 Taliblərdən İran imtinası 24 Oktyabr 2021, 17:08 Polkovnikin nəvəsi intihar etdi 24 Oktyabr 2021, 16:58 Şahinlərimiz Türkiyədən geri dönür  24 Oktyabr 2021, 16:51 Gürcüstanın virus mənzərəsi 24 Oktyabr 2021, 16:39 Baş nazirə 15 illik cəza  24 Oktyabr 2021, 16:26 İbrahimoviçdən növbəti ilk  24 Oktyabr 2021, 16:15 Əsl insan gözəllikdə gözəlliyi görməyi bacarandır - Deputat 24 Oktyabr 2021, 16:05 Özbəkistanda seçki baş tutdu 24 Oktyabr 2021, 15:51 66 milyon illik skelet rekord qiymətə... 24 Oktyabr 2021, 15:46 Professor dünyasını dəyişdi 24 Oktyabr 2021, 15:34