Bakı şəhəri Binəqədi rayonunda yerləşən süd məhsullarının istehsalı ilə məşğul olan “Ocaq Pro” MMC-də Standartlaşdırma, Metrologiya və Patent üzrə Dövlət Komitəsinin mütəxəssisləri dövlət nəzarəti aparıblar.
Modern.az Standartlaşdırma, Metrologiya və Patent üzrə Dövlət Komitəsinin mətbuat xidmətinə istinadən xəbər verir ki, müəssisədən götürülmüş nümunələr Təcrübə-Sınaq Mərkəzində müayinə olunub. Müayinə nəticəsində məlum olub ki, xama və ayran fiziki-kimyəvi göstəricilərinə görə, yağlı qatıq isə mikrobioloji göstəricilərinə görə normativ sənədlərin tələblərinə cavab vermir.
Adıçəkilən məhsulların istehsalı və satışı qadağan edilmişdir.