23 May 2021, 11:55 | Ana Səhifə - Yazılar - Bakıda 12 icra başçısına, bu qədər “məmur ordusu”na nə ehtiyac var?..
Bakıda 12 icra başçısına, bu qədər “məmur ordusu”na nə ehtiyac var?..

Vüqar Tofiqli


Paytaxtın idarəedilməsi: təklif və real vəziyyət...

Milli Məclisin üzvü Fazil Mustafa parlamentin iclasında maraqlı təkliflə çıxış edib. F. Mustafa dövlət qulluqçularının sayını azaltmaqla bələdiyyə qulluqçularının sayını artırmaq, bəzi rayonları birləşdirməklə bələdiyyələrə əlavə səlahiyyətlərini verilməsinin məhz bu gün zəruri olduğunu dilə gətirib. Dəfələrlə belə yüksək tribunadan bu təklifi səsləndirdiyinə görə  MM üzvünə təşəkkür edirəm.


***


Mətləbə keçməzdən əvvəl qeyd edim ki, təklifin əslində Milli Məclisin Regional Komitəsinin üzvləri tərəfindən səsləndirilməsi və əsaslandırılması daha məqsədəuyğun olardı. Fikrimcə, komitənin vaxtı ilə bələdiyyədə  çalışmış üzvləri bu təkliflə bağlı fikirlərini bildirməkdə aktiv olmalı və təklifə öz fikirlərini bildirməklə mövzunu daha da  geniş müstəvidə müzakirəyə çıxarmalı idilər. Təəssüf edirəm ki, yaxından tanıdığım Səbinə Xasayevə və Əliabbas  Salahzadə bu proseslərdə və xüsusəndə bələdiyyələrin problemlərini ictimailəşdirməkdə passivliyi ilə seçilirlər. Qeyd edim ki, Səbinə Xasayevə  iki il əvvəl Lökbatan bələdiyyəsinin sədr müavini, Ə.Salahzadə isə Bilgəh bələdiyyəsinin ilk sədri olub. Özü də 21 yaşında. Hər ikisi fəallığı ilə, savadı və qabiliyyətiylə seçiliblər.  Bu gün  Milli Məclisin  üzvü kimi hər ikisi vaxtı ilə təmsil olunduqları sahənin problemlərini daha yaxından bildiyindən istər komitənin icaslarında, istərsə də plenar iclaslarda bələdiyyənin problemlərini heç olmasa səsləndirməkdən çəkinməməlidirlər. Bələdiyyədə olduğu kimi MM-də aktiv olmalı və bu mərtəbəyə haradan gəldiklərini unutmamalıdırlar. Nə isə, keçək mətləbə.


***


Fazil Mustafanın təklifi ilə bağlı deməliyəm ki, son illərdə biz də dəfələrlə təhlil və araşdırmalarımızda bu mövzuya diqqəti çəkmişik. Onu da əlavə edək ki, bizim təklif etdiyimiz əsas məqam ilk öncə paytaxt və Gəncə şəhərindəki rayonların ləğvi ilə  bağlı olub. Hazırda Bakı və Gəncə şəhərlərindəki rayon icra hakimiyyətlərinin elə də ciddi səlahiyyəti qalmayıb. Bu strukturlar əslində büdcə üçün də artıq yükdür. Gəlin tam səmimi etiraf edək ki, Bakıda 12 rayon icra başçısına,  36 başçının müavininə, 60 şöbə müdirinə və saysız-hesabsız mütəxəssis  korpusuna ehtiyac yoxdur. Sual edirəm bu gün bu icra strukturların əsas vəzifə səlahiyyətlərini bilən varmı. Üstəlik bu qurumların  yeni yaradılan sahə inzibati dairələrinə ehtiyacı varmı? Bu SİƏD-lərin işlərini elə bələdiyyələr görür də. Yəni bu qurumlar həqiqətən öz həyatını başa vurub desəm, yəqin ki, yanılmaram. Və hörmətli millət vəkili də yəqin ki, bunu nəzərdə tutub o təklifi verir. Belə olan halda,  sual oluna bilər ki, bu prosesin icrası bizə nə verəcək?


Deməliyəm ki, ilk olaraq dövlət büdcəsinin yükü azalacaq. Nəzərə alaq ki, Bakı rayonlarının saxlanmasına büdcədən kifayət qədər vəsait ayrılır. 2021-ci il üçün dövlət büdcəsindən  Bakı şəhəri üçün xərclərin həcmi 335.683.000 manat,  Gəncə şəhərinə isə 36 226 000 manat ayrılması nəzərdə tutulub. Bu vəsaitin də böyük bir qismi məhz adıçəkilən struktur bölmələrinin saxlanmasına yönəlir. Demək qənaətin edilməsi bü gün üçün zəruri olmalıdır.


Bu məqamın icrasında beynəlxalq təcrübədən yararlanmaqda olar. Qeyd edim ki, beynəlxalq təcrübədə bu məqam çox diqqətlə icra olunur. İstanbulun, Moskvanın, Praqanın və digər paytaxt şəhərlərinin  və iri sənaye mərkəzlərinin  idarəedilməsinə diqqət yetirsək konkert olaraq belə qənaətə gələ bilərik ki, bizdə də bu prosesə start verilsə həm dövlət büdcəsi qazanar, həm də vətəndaşın məsuliyyət yükünun  artmasıyla problemlərin həlli sürətlənər.


Yəni paytaxtın idarəedilməsi birmənalı olaraq Böyükşəhər bələdiyyəsinə tapşırılmalıdır. Bunun üçün şəhər şurasının və ya şəhər məclisinin üzvləri, habelə Böyükşəhər bələdiyyə sədrinin birbaşa yerlərdə seçki keçirilməklə seçilməsini təklif edərdik. Lakin bununla yanaşı, şəhərin inzibati ərazisi məsələsinə də yenidən baxılmalıdır. Bitişik ərazilərin şəhərə qatılması, rayon əvəzinə daha böyük miqyasda biri mərkəz olmaqla dörd istiqamət üzrə inzibati dairənin olmasını təklif edərdik. On iki rayonu ləğv etməklə  beş inzibati ərazi vahidi üzrə Mərkəz dairəsi, Şimal dairəsi, Cənub dairəsi, Qərb dairəsi və Şərq dairəsi yaradıla bilər. Və ən əsası bələdiyyələrdə məhz bu dairələr üzrə yaradılmalıdır. Demək paytaxtda RİH-lər ləğv edilir  və paytaxtda bələdiyyələrində sayı biri böyük şəhər olmaqla, beş bələdiyyə yaradılır. Pirallahı, Qaradağ, Xəzər rayonu  tam,  Suraxanı və Sabunçu rayonunun isə bir hissəsi paytaxtdan ayrılır. Fikrimizcə, əhalisinin sayı 50 min nəfəri keçən qəsəbələrə,  o cümlədən Binə, Mərdəkan, Maştaga  və Hövsana xüsusi statusun verilməsi də gündəmə  gətirilməlidir. Maraqlı və təzadlı  məqam ondadır ki, əhalisinin sayı iki min nəfər olan rayon mərkəzinə şəhər statusunu vermişik, ancaq əhalisinin sayı az qala yüz əlli min nəfər olan qəsəbələrdə isə idarəçliyi Allah ümidinə buraxmışıq.


Bu arada qeyd edim ki, Abşeron rayonu ilə paytaxta rayonları arasında ərazi probleminin olduğunu da unutmamalıyıq. Bununla yanaşı hazırda  kənd təsərrüfatı təyinatlı torpaqlarda aparılan məskunlaşma ilə bağlı torpaqların təyinatının dəyişdirilməsi və “sənəsdiz mənzil” problemi həlli vacib məsələlər sırasına daxil edilməlidiir.


***


Son olaraq qeyd edim ki, Böyük şəhər bələdiyyəsinin yaradılması həmdə bu orqanlara inzibati nəzarəti keçirən orqanın statusunun artırılmasına səbəb olacaq. Ciddi şəkildə inzibati nəzarətin həyata keçirilməsi, həm də real ictimai nəzarətin olması nəticə etibarilə ümumi fəaliyyət prinsipinə müsbət təsir edəcəyinə şübhəm yoxdur.


Ümumiyyətlə, ölkəmizdə indiki vaxtda ərazi-inzibati idarəçiliyində regional idarəetməyə keçid həyata keçirilməlidir. Yerli hakimiyyət bələdiyyələrə verilməli, ölkədə regional idarəetmə strukturları yaradılmalıdır. Bu gün nazirlik və komitələrin pərakəndə şəkildə və əhalinin maraqlarına uyğun olmayan şəkildə yaratdıqları regional idareətmə məqbul sayıla bilməz.


Güman edirəm ki, regional idarəetməyə keçidlə bağlı prosesin ilk olaraq pilot layihə şəklində Bakı və Gəncədə  həyata keçirilməsi nəticə etibariylə ümumi prosesə öz töhvəsini vermiş olacaq, həm dövlət büdcəsi ağır  maliyyə yükündən azad olacaq, həm də  vətəndaşlarım  məsuliyyət yükü artacaq.

 

 

MÜƏLLİFİN DİGƏR YAZILARI
Nazir Oklahoma ştatının nümayəndə heyəti ilə görüşdü 28 İyul 2021, 15:27 Prezidentdən Kəlbəcər və Laçınla bağlı sərəncam - 10 milyon ayrıldı 28 İyul 2021, 15:22 Nazir Ermənistanı təxribatlardan əl çəkməyə çağırdı 28 İyul 2021, 15:10 Azərbaycan, Ermənistan və Rusiya liderlərinin növbəti görüşü GÖZLƏNİLİR 28 İyul 2021, 15:05 Bədii tərcümənin cahangiri - Vladimir Qafarov 28 İyul 2021, 15:00 Gəncə Dövlət Universitetin məzunu MİQ imtahanında 1-ci oldu   28 İyul 2021, 14:54 Azərbaycanda yaşayan əcnəbilər bu ölkələrdən gəlib 28 İyul 2021, 14:48 Şəmkirdə 15 yaşlı oğlan itkin düşüb 28 İyul 2021, 14:44 “Bu kitabı oxuyandan sonra Azərbaycana marağım artdı” - Səfirlə SÖHBƏT 28 İyul 2021, 14:38 SOCAR-ın idarə rəisi işdən çıxarıldı 28 İyul 2021, 14:34 Ölkəmizə gələn əcnəbilərin sayı azalıb 28 İyul 2021, 14:30 Atışmada yaralanan erməni hərbçilərin sayı 5-ə ÇATDI 28 İyul 2021, 14:25 3 saylı "ASAN kommunal" mərkəzinin açılışı oldu 28 İyul 2021, 14:20 Bakıda iki uşaq anası “patı”dan öldü 28 İyul 2021, 14:15 Sosial şəbəkələrdə narkotiki təbliğ edən “TikTok”erlər TUTULDU 28 İyul 2021, 14:10 Bugünkü imtahanda 10 nəfər zaldan QOVULDU 28 İyul 2021, 14:04 Ceyhun Bayramov: "Spikerlərin görüşü tarixi hadisədir" 28 İyul 2021, 13:58 “COVID-19” pasportu olmayan 378 nəfər toylara buraxılmadı 28 İyul 2021, 13:54 Qonşu ölkədə daha 303 nəfər virusdan öldü 28 İyul 2021, 13:50 Baş Prokurorluqda AŞPA nümayəndələri ilə görüş 28 İyul 2021, 13:44 Karantini heçə sayan restoran sahibinə cinayət işi açıldı 28 İyul 2021, 13:38 Mədət Quliyev nazir müavini ilə danışıqlar apardı 28 İyul 2021, 13:32 Erməni casuslara 15 il iş KƏSİLDİ 28 İyul 2021, 13:28 Güc üçlükdədir: Dünyaya birlik və qardaşlıq dərsi   28 İyul 2021, 13:22 Narkotik satanlara qarşı növbəti əməliyyat   28 İyul 2021, 13:16 25 gündə yol qəzalarında 60 nəfər ölüb 28 İyul 2021, 13:10 Erməni hərbçilər qəzaya düşdü: Yaralılar var 28 İyul 2021, 13:04 Ermənistan Müdafiə Nazirliyinin daha bir yalanı ÜZƏ ÇIXDI 28 İyul 2021, 12:58 Qanunsuz ov edənlər cəzalandırıldı 28 İyul 2021, 12:53 Leysan yağacaq, dolu düşəcək - Sabahın havası 28 İyul 2021, 12:48 BDU-dakı bıçaqlanmanın səbəbi bilindi - Yeni FAKTLAR 28 İyul 2021, 12:43 Qarabağdakı ermənilərə xüsusi status verilməməsinin 10 SƏBƏBİ 28 İyul 2021, 12:38 Türkiyə bu ölkələrin TÜRKPA-ya daxil olmasını istəyir - EKSKLÜZİV 28 İyul 2021, 12:33 Ombudsman sərhəddə baş verənlərdən narahatdır 28 İyul 2021, 12:28 Oğurluq üstündə tutuldular - narkotik alverçiləri olduqları üzə çıxdı 28 İyul 2021, 12:22