Mayın 5-də Rusiya Ədliyyə Nazirliyi xarici agentlər siyahısına 8 nəfəri və 4 təşkilatı əlavə edib.
Modern.az xəbər verir ki, bu barədə Nazirliyin mətbuat xidmətindən məlumat verilib.
"Qara siyahı"ya salınanlar arasında Rusiya Korrupsiyaya Qarşı Mübarizə Fondunun rəhbərləri Mariya Pevçix və Georgi Alburov, opera müğənnisi, Dövlət Dumasının keçmiş deputatı Mariya Maksakova-İgenberqs də yer alıb.
Qeyd edək ki, xarici agent elan edilən şəxslərin Rusiya daxilində fəaliyyəti məhdudlaşdırılır.
