Macarıstanın baş naziri Viktor Orban Nobel Mükafatı alan macar əsilli qadın elm adamı Katalin Karikonu təbrik edib.
Modern.az xəbər verir ki, Orban bu barədə X-də yazıb.
"Katalin Kariko Nobel Mükafatı qazanan ilk macar qadındır. Bununla o, Nobel laureatı olan macarların uzun siyahısına daxil olmuş olur. Macarıstan fəxr edir", - o qeyd edib.
Xatırladaq ki, tibb üzrə Nobel Mükafatı Katalin Kariko və Dreu Ueissmana COVID-19-a qarşı peyvəndlərin hazırlanmasına səbəb olan mRNT üzərində apardıqları tədqiqatlara görə verilib.
