ABŞ müdafiə naziri Lloyd Ostin ukraynalı həmkarı Rüstəm Umerov ilə telefon danışığı aparıb.
Modern.az xəbər verir ki, bu barədə Ukrayna müdafiə nazirinin "X" hesabında məlumat yayılıb.
"Amerikalı həmkarımı döyüş meydanındakı vəziyyətlə bağlı məlumatlandırdım. Ukraynanı ATACMS-la təmin etdiyi üçün ABŞ rəhbərliyinə və müdafiə naziri Ostinə təşəkkür etdim", - o deyib.
Ukraynalı nazir qeyd edib ki, bu silahın verilməsi döyüş meydanında fərq yaradır.
