Türkiyə prezidenti Rəcəb Tayyib Ərdoğan Qəzza zolağını idarə edən HƏMAS qruplaşması haqqında danışıb.
Modern.az TRT-yə istinadən xəbər verir ki, Ərdoğan HƏMAS-ı terror təşkilatı saymadığını söyləyib.
"HƏMAS terror təşkilatı deyil", - deyə bildirən Türkiyə prezidenti qruplaşmanı "torpaqlarını qoruyan mücahidlər" adlandırıb.
Xatırladaq ki, Ərdoğan İsrailə planlaşdırılan səfərini ləğv etdiyini açıqlayıb.
Qeyd edək ki, bir çox Qərb ölkələri və İsrail HƏMAS-ı terror təşkilatları siyahısına daxil edib. 7 oktyabrda başlanan Fələstin-İsrail qarşıdurması davam etməkdədir. Hər iki tərəfdən minlərlə insan həyatını itirib.
