Türkiyə prezidenti növbəti dəfə Birləşmiş Millətlər Təşkilatında islahatlar aparılmasının vacibliyini vurğulayıb.
Modern.az TRT-yə istinadən xəbər verir ki, Ərdoğan BMT Təhlükəsizlik Şurasının 5 daimi üzvünə diqqət çəkib.
"Dünyanın təhlükəsizliyini 5 dövlətin maraqlarına təslim edən bir strukturun davamlılığı yoxdur", - o qeyd edib.
Türkiyə prezidenti "uşaq ölümlərinə laqeyd qalan sistemin ciddiyəalınmaz olduğu"nu deyib.
Xatırladaq ki, BMT TŞ-nin veto hüququna malik daimi üzvləri Çin, Rusiya, ABŞ, Fransa və Böyük Britaniyadır. Ərdoğan hər zaman "Dünya 5-dən böyükdür" devizi ilə məsələni gündəmə gətirir.
