Rusiyanın baş naziri Mixail Mişustin Qırğızıstana səfər edib.
Modern.az xəbər verir ki, bu barədə Rusiya mətbuatı məlumat yayıb.
Hökumət sədrini təyyarədən enərkən Qırğızıstan baş nazirinin müavini Bakıt Torobayev və Rusiyanın Qırğızıstandakı fövqəladə və səlahiyyətli səfiri Nikolay Udoviçenko qarşılayıblar.
Qeyd edək ki, Mişustinin səfər çərçivəsində bir sıra yüksək səviyyəli görüşlər keçirməsi və müzakirələr aparması planlaşdırılıb.
