Oktyabrın 31-də Rusiya XİN başçısı Sergey Lavrov Səudiyyə Ərəbistanı Krallığının xarici işlər naziri Feysəl Ben Fərhan Əl Səud ilə telefon danışığı aparıb.
Modern.az xəbər verir ki, bu barədə Rusiya XİN-in informasiya resurslarında məlumat dərc olunub.
İkitərəfli münasibətlərin vəBRICS formatında qarşılıqlı fəaliyyətin aktual məsələləri müzakirə edilib. Müzakirələr 22-24 avqust tarixlərində Yohannesburqda keçirilən XV sammitdə liderlərinin 2024-cü il yanvarın 1-dən BRICS-ə yeni üzvlərin dəvət edilməsi ilə bağlı qərarı kontekstdə aparılıb.
Yaxın Şərq nizamlanması məsələsi ətrafında hərtərəfli fikir mübadiləsi də gerçəkləşdirilib.
