Polşa Seyminin deputatı dünən ölkənin yəhudi icmasının üzvləri ilə keçirilən tədbir zamanı yanğınsöndürəndən istifadə edərək Hanukka şamlarını söndürüb.
Modern.az xəbər verir ki, müvafiq görüntülər TVN24 kanalında yayılıb.
Aksiya Donald Tuskun ölkənin baş naziri təyin edilməsi ilə bağlı keçirilən səsvermədən əvvəl baş tutub.
Radikal sağçı Konfederasiya partiyasından olan Qrzeqorz Braunun bu hərəkəti qəzəbə səbəb olun və spiker onu parlamentdən kənarlaşdırıb. “Parlamentin spikeri olduğum müddətdə irqçiliyə, ksenofobiyaya, antisemitizmə... tolerantlıq olmayacaq”, - spiker bildirib.
