Ermənistanda səfərdə olan Fransa Prezidenti Emmanuel Makron çərşənbə axşamı səhər İrəvandakı qondarma “erməni soyqırımı abidəsi”ni ziyarət edib və Qonaqlar Kitabını imzalayıb.
Modern.az xəbər verir ki, Emmanuel Makronu “Tsitsernakaber”də Ermənistan Prezidenti Vaaqn Xaçaturyan müşayiət edib.
Fransadakı Erməni Təşkilatları Koordinasiya Şurasının həmsədri Murad Papiazyan Makronun nümayəndə heyətinin tərkibində olub. Papiazyanın bir neçə il əvvəl hökuməti tənqid etdiyinə görə Ermənistana girişi qadağan edilmişdi, lakin sonradan Makronun şəxsi müdaxiləsindən sonra qadağa aradan qaldırılıb.
