ABŞ prezidenti Donald Tramp bildirib ki, o, Ermənistanda keçiriləcək 7 iyun tarixli parlament seçkilərində baş nazir Nikol Paşinyanı dəstəkləyir.
Modern.az xəbər verir ki, Amerika lideri bu barədə özünün Truth Social platformasında yazıb.
“Ermənistanın baş naziri Nikol Paşinyan böyük dost və liderdir, o, ölkəsini güclü, varlı və çox təhlükəsiz edir! Nikol Ermənistan və bütün Cənubi Qafqaz regionu üçün mənim SÜLH və RİFAH baxışımı tam bölüşür. Dövlət katibimiz Marko Rubio bu yaxınlarda Ermənistana səfər edib və hər iki ölkə üçün vacib sazişlərin irəliləməsinə kömək edib.
Tezliklə ABŞ və Ermənistan birlikdə "Beynəlxalq Sülh və Rifah üçün Tramp Marşrutu”nun tikintisinə başlayacaq. Bu layihə Cənubi Qafqazı dəyişdirəcək və bizim möhtəşəm Amerika enerji şirkətlərimizə Mərkəzi Asiyadan ABŞ-a qədər çıxış imkanı yaradacaq.
Bu səbəblərə görə Nikol 7 iyun 2026-cı il tarixində yenidən seçilməsi üçün mənim TAM və QEYD-ŞƏRTSİZ dəstəyimi alır. Nikolun köməyi ilə biz ABŞ-ı, Ermənistanı, Cənubi Qafqazı və Mərkəzi Asiyanı indiyədək görünməmiş zirvələrə qaldıracağıq. Ermənistanı yenidən möhtəşəm edəcəyik”,- deyə Tramp vurğulayıb.
