Hindistan Baş naziri Narendra Modi ilə ermənistanlı həmkarı Nikol Paşinyan arasında telefon danışığı olub.
Modern.az xəbər verir ki, bu barədə Modi X hesabında məlumat verib.
"Bu gün Baş nazir Nikol Paşinyanın telefon zənginə sevindim. Onu və partiyasını parlament seçkilərindəki qələbə münasibətilə təbrik etdim. Hindistan vətəndaşlarının İrandan təxliyə olunmasında göstərdiyi köməyə görə ona təşəkkür etdim", - Modi vurğulayıb.
Modi qeyd edib ki, həmkarı ilə ikitərəfli münasibətləri də müzakirə edib.
