Hindistanın Qucarat ştatının Əhmədabad şəhərində yerləşən fişəng istehsalı müəssisəsində baş verən partlayış nəticəsində azı 8 nəfər həlak olub, 15 nəfər isə müxtəlif dərəcəli xəsarətlər alıb.
Modern.az xəbər verir ki, bu barədə "India TV" telekanalı məlumat yayıb.
Məlumata görə, güclü partlayışın səsi 5 kilometrədək məsafədən eşidilib. Hadisə yerində genişmiqyaslı dağıntılar yaranıb, xilasedicilər isə dağıntılar altında qalanların axtarışı və ərazinin təmizlənməsi istiqamətində işləri davam etdirirlər.
Səlahiyyətli qurumlar partlayışın başvermə səbəblərinin müəyyənləşdirilməsi, eləcə də pirotexnika istehsalı ilə məşğul olan müəssisənin qanunsuz fəaliyyət göstərib-göstərmədiyinin araşdırılması üçün istintaqa başlayıblar.
