"Bu ölkəmiz üçün son 30 ilin ən böyük təhlükəsidir"
Rusiya Müdafiə Nazirliyi qitələrarası yeni ballistik raketin - "Rubej" raketlərinin sınaqlarını uğurla başa çatdırıb.
Modern.az Rusiyanın "Kommersant" qəzetinə istinadən xəbər verir ki, Rusiyanın Həştərxan vilayətinin Kapustin Yar poliqonundan buraxılan raket Qazaxıstannın Sarı-Şaqan poliqonundakı şərti hədəfi uğurla məhv edib. "Kommersant" qəzeti "RS-26" (Rubej) raketlərinin Udmurtiya Muxtar Respublikasının Votkin zavodunda kütləvi istehsal olunacağını və 2016-cı ilin əvvəllərindən Rusiya ordusunun arsenalına daxilk olacağını bildirib.
Şimal qonşumuzun "Topol-M" və "Rs-24" raket komplekslərindən fərqli olaraq "RS-26" raketlərinin daha mobil olması və yüksək dəqiqliyə malik olması xüsusilə vurğulanır. Belə ki, raketlər 2 min-6 min kilometr məsafədə istənilən hədəfi məhv etmək qabiliyyətinə malikdir.
Hərbi ekspertlər isə raketin raketəleyhinə sistemlər üçün faktiki olaraq "ələkeçməz" olduğnu bildiriblər. "RS-26" raketlərinin eyni vaxtda 35 raketəleyhinə sistemdən yayınmaq üçün "intelektual manevr" imkanlarına malik olduğu məlumdur. Məsələyə ABŞ Konqesi də öz münasibətini bildirib. Konqres rəsmən "RS-26" (Rubej) raketlərini son 30 ildə ABŞ-ın milli təhlükəsizliyi üçün ən böyük təhlükə adlandırıb. Rusiya raketlərinin ABŞ qlobal raketəleyhinə müdafiə sistemini darmadağın edə bilməsi yerli qanunvericiləri narazı salıb.
Vüqar İsmayılov
