“Real” klubunun baş məşqçisi Karlo Ançelotti Beynəlxalq Futbol Tarixi və Statistikaları Federasiyası (IFFHS) tərəfindən 2022-ci ilin ən yaxşı məşqçisi seçilib.
Modern.az xəbər verir ki, bu barədə qurumun rəsmi saytı məlumat yayıb.
63 yaşlı italyan mütəxəssis səsvermədə 245 xal toplayıb. O, ikinci yeri tutan Xosep Qvardiolanı (“Mançester Siti”nin baş məşqçisi) 200 xal qabaqlayıb. Üçüncü sırada Mərakeşin “Vidad” klubundan Valid Reqraqi (40 xal) yer alıb.
Qeyd edək ki, ötən mövsüm Ançelotti Madrid klubu ilə Çempionlar Liqasının və İspaniya çempionatının qalibi olub.
