Futbol üzrə dünya çempionatının qrup mərhələsində İran və Yeni Zelandiya milli komandaları üz-üzə gəlib.
Modern.az xəbər verir ki, G qrupunda keçirilən qarşılaşma 2:2 hesablı heç-heçə ilə başa çatıb.
Oyunda hesabı 7-ci dəqiqədə Yeni Zelandiya yığmasının üzvü İlayca Cast açıb. İran millisi 32-ci dəqiqədə Ramin Rezayanın dəqiq zərbəsi ilə tarazlığı bərpa edib.
İkinci hissədə İlayca Cast 55-ci dəqiqədə özünün və komandasının ikinci qolunu vuraraq Yeni Zelandiyanı yenidən hesabda irəli çıxarıb. Lakin İran yığması 64-cü dəqiqədə Məhəmməd Moxebinin qolu sayəsində məğlubiyyətdən xilas olub.
Beləliklə, qarşılaşma 2:2 hesabı ilə yekunlaşıb və hər iki komanda aktivinə bir xal yazdırıb.
