"Qarabağ"ın futbolçusu Abdullah Zubir uzun illərdən sonra Ağdam klubundan ayrılıb.
Modern.az xəbər verir ki, sportal.az-ın məlumatına görə, fransalı yarımmüdafiəçi ötən gün Azərbaycanı tərk edib. Zubir karyerasını Qətərdə davam etdirəcək.
34 yaşlı futbolçu 2018-ci ildə Fransanın “Lans” klubundan “Qarabağ”a transfer olunub. O, ötən illər ərzində Ağdam təmsilçisinin əsas aparıcı futbolçularından birinə çevrilib və komandanın kapitanı idi.
Məlumata görə, fransalı futbolçu ötən gün Heydər Əliyev adına beynəlxalq hava limanından paytaxtı tərk edərək, Qətərə uçub. Təcrübəli futbolçunun bundan sonra Qətərin “Əl-Şahaniya” klubunda çıxış edəcəyi gözlənilir.
