Kənd təsərrüfatı məhsullarının istehsalında ən yüksək nəticə göstərən rayonların siyahısı məlum olub.
Bu barədə Modern.az-ın sorğusuna cavab olaraq Dövlət Statistika Komitəsindən məlumat verilib.
Məlumata görə, dənli və dənli paxlalı bitkilərin istehsalında Cəlilabad rayonu həm 2025-ci ildə, həm də 2026-cı ilin yanvar-iyun aylarında lider olub.
Kartof və tərəvəz istehsalında Şəmkir, bostan məhsullarında isə Sabirabad hər iki dövrdə ən yüksək nəticəni göstərib.
2025-ci ildə pambıq istehsalında Saatlı rayonu lider olub, 2026-cı ilin yanvar-iyun aylarında pambıq istehsalı qeydə alınmayıb.
Tütün istehsalında Şəki rayonu həm ötən il, həm də cari ilin ilk yarısında birinci yerdə qərarlaşıb.
Şəkər çuğunduru istehsalında 2025-ci ildə Hacıqabul, 2026-cı ilin yanvar-iyun aylarında isə Beyləqan ən yüksək nəticəni göstərib.
Meyvə və giləmeyvə istehsalında 2025-ci ildə Quba, 2026-cı ilin ilk yarısında isə Cəlilabad lider olub.
2025-ci ildə dən üçün günəbaxan istehsalında Goranboy, üzüm istehsalında isə Şəmkir ilk sırada yer alıb, 2026-cı ilin yanvar-iyun aylarında bu məhsullar üzrə istehsal qeydə alınmayıb.
Yaşıl çay yarpağı istehsalında Astara həm ötən il, həm də bu il liderliyini qoruyub.
