Əməkdar İncəsənət xadimi, şair Çingiz Əlioğlu “Qurd qapısı” qəbiristanlığında dəfn edilib.
Modern.az xəbər verir ki, Təzə Pir məscidində keçirilən vida mərasimindən sonra “Qurd qapısı” qəbiristanlığında torpağa tapşırılıb.
***
11:50
Əməkdar incəsənət xadimi, tanınmış şair və tərcüməçi Çingiz Əlioğlu ilə vida mərasimi keçirilib.
Modern.az xəbər verir ki, mərasimdə mərhumun ailə üzvləri, yaxınları, qələm dostları, mədəniyyət və ictimaiyyət nümayəndələri iştirak ediblər.
Mərasim iştirakçıları Çingiz Əlioğlunun Azərbaycan ədəbiyyatındakı xidmətlərindən, zəngin yaradıcılığından və insani keyfiyyətlərindən danışıblar.
Qeyd edək ki, Çingiz Əlioğlu avqustun 9-da 82 yaşında vəfat edib.
O, 1944-cü il iyunun 29-da Füzuli şəhərində anadan olub. “Nikbinlik”, “Ömür ağacı”, “Günəşli dayanacaqlar”, “Görüşdən ayrılığa”, “Aynabənd”, “Ruhumun həndəsəsi” və digər kitabların müəllifidir.
Çingiz Əlioğlu 1991-ci ildə Əməkdar mədəniyyət işçisi, 2005-ci ildə isə Əməkdar incəsənət xadimi fəxri adlarına layiq görülüb.
