Arxiv
24 Fevral 2020, 14:02 | ÖLKƏ
Ailənin tək oğlu, Şəhid qardaşı cəbhə bölgəsinə göndərilməsin - TƏKLİF

Ermənistan silahlı qüvvələrinin bölmələri Azərbaycan-Ermənistan dövlət sərhədindəki təmas xəttində növbəti dəfə atəşkəs rejimini kobud şəkildə pozmaqla təxribat törədib.

 

Dövlət Sərhəd Xidmətindən (DSX)  verilən məlumata görə, 2020-ci ilin 24 fevral tarixində saat 07:00 radələrində Ermənistan silahlı qüvvələrinin Noyemberyan rayonunun Koti kəndi yaxınlığında yerləşən bölmələrindən Qazax rayonunun Quşçu Ayrım kəndi istiqamətindəki sərhəd döyüş məntəqəsinə diversiya cəhdinin qarşısı alınıb, ciddi itkilər verməyə məcbur olmuş düşmənin bir zabiti ağır yaralanıb, digər hərbi qulluqçusu öldürülüb.

Düşmənin diversiya qrupunun qumbaraatan və digər iriçaplı silahların tətbiqi ilə baş verən təxribatının qarşısı alınarkən sərhədçi əsgər Vəliyev İbrahim Ələmşah oğlu qəhrəmancasına şəhid olub.

Azərbaycan ordusu bir neçə gün bundan qabaq  da şəhid verib. Düşmən tərəfindən açılan atəş nəticəsində Azərbaycan Ordusunun hərbi qulluqçusu Ələsgərov Seymur Eldar oğlu şəhid olub.

 

Qeyd edək ki, Seymur Ələsgərov ailənin tək oğul övladı olub.

 

Ailənin tək oğlanların cəbhənin ön hissəsinə göndərilmənəsi məsələsi bu günə qədər bir neçə dəfə gündəmə gətirilib. Məsələ Milli Məclisin iclaslarında da müzakirəyə çıxarılıb. Lakin yekun nəticə hasil olmayıb.

Ümumiyyətlə, ictimaiyyət ailənin tək oğul övladının  əsgərlik vaxtı cəbhə bölgəsinə göndərilməməsinin tərəfdarıdır.

 

Tək oğul övladları əsgər getməməlidir, yoxsa, ön cəbhəyə göndərilməməlidir?

 

 

Milli Məclisin Müdafiə, təhlükəsizlik, korrupsiya ilə mübarizə komitəsinin üzvü Elman Məmmədov Modern.az-a açıqlamasında məsələyə fərqli yanaşıb. O, tək oğlan uşaqlarının əsgər getməsini vacib sayıb:

 

“Oğlan uşaqlarının əsgər getməsi hərbi işlə bağlı məsələdir. Əvvəllər ailələrdə bir neçə oğlan uşağı olurdu. İndi isə dəb başqa cürdü. Gənc ailələrimizin əksəriyyətinə baxın. Bir oğlan bir qız... Əgər belədirsə, tək oğlan uşaqları əsgərliyə aparılmamalıdır?!  Gərək o zaman hərb sahəsi boş qala...

Hesab edirəm ki, təkliyindən, cütlüyündən asılı olmayaraq, hər bir kişi cinsindən olan vətəndaşımız hərbi borcunu yerinə yetirməlidir. O ki qaldı tək oğlan uşaqlarının ön cəbhəyə göndərilib-göndərilməməsinə, ailədə övladın bir, ya da iki, üç olması eyni şeydir. Övlad övladdır. Tək, ya da cüt övladın itkisi valideyn üçün ağırdır. Düşünürəm ki, hər birimiz vətənimizi qorumaq, müdafiə etmək üçün hərbi xidmət dövrünü keçməliyik. Hara göndərilsək, orada da Vətənə borcumuzu verməliyik”.

 

 

Ehtiyatda olan polkovnik-leytenant, hərbi jurnalist Üzeyir Cəfərovun sözlərinə görə, ailənin tək uşaqları hərbi xidmətə getsə belə, ön cəbhəyə göndərilməməlidir:

 

“Düzünü desəm, tək oğlan uşaqlarının hərbi xidmətə getməməsi ilə bağlı məsələni dəfələrlə gündəmə gətirmişik. Təəssüf ki, məsələyə ciddi yanaşma yoxdur. Dəfələrlə demişəm ki, Azərbaycanda kifayət qədər çağırışçı resursu var. Tək oğlanları, şəhid olan oğulun qardaşını yenidən ön xəttə göndərmək əsla doğru deyil. Bu məsələlərdə bir qədər diqqətli olmalıyıq. Övladlarımızı qorumalıyıq. Çünki o oğulların hər biri Azərbaycanın gələcəyidir. Bir saatdan sonra Nazirlər Kabinetində Müdafiə, təhlükəsizlik və səfərbərlik şöbəsində  qəbulda olacağıq. Martın 12-də isə Azərbaycan Respublikası Prezidentinin Administrasiyasının Hərbi məsələlər şöbəsinin müdiri,  general-polkovnik Məhərrəm Əliyevlə görüşəcəyik. Bu məsələni yenidən gündəmə gətirəcəyik. Rusiya qanununu əsas gətirərək  Konstitusiyanın 25-ci maddəsində hamının bərabər olduğunu deyirlər. Ancaq ailələrimizi də düşünməliyik. Əgər ailənin tək oğlan uşağı həyatını itirirsə, biz qazanmırıq. Əksinə həm dövlət, həm də Vətən itirir. Ona görə də bu məsələnin tənzimlənməsinə çalışmalıyıq. Onsuz da,  Azərbaycan gələcək üçün müqaviləli peşəkar ordu sistemini seçib. Peşəkar müqaviləli ordu sistemində çağırışçlara ehtiyac qalmayacaq. Biz isə indidən bu məsələni yoluna qoymaq istəmirik. Onun tərəfdarıyam ki, tək oğlan uşaqları ön cəbhəyə göndərilməsin. İstər Dövlət Sərhəd Xidməti, istərsə də Müdafiə Nazirliyi olsun, fərq etməz, övladlarımızı qorumalıyıq”.

 

 

BU KATEQORİYADAN OLAN DİGƏR XƏBƏRLƏR
+ Arxiv
Ermənistanda virusdan ölənlərin sayı 8-ə çatdı 6 Aprel 2020, 11:57 Rusiyada koronavirusa yoluxanların sayı ARTDI 6 Aprel 2020, 11:51 Banklar kredit verməyi niyə dayandırıb? - Rəsmi AÇIQLAMA 6 Aprel 2020, 11:40 Azərbaycanda metil spirtindən 8 nəfər öldü 6 Aprel 2020, 11:38 Koronavirusun yox edəcəyi ixtisaslar – SİYAHI 6 Aprel 2020, 11:38 Bütün dünyanın səbirsizliklə gözlədiyi döyüş baş tutmayacaq 6 Aprel 2020, 11:34 Binəqədidə tənhalara yardım edilir - FOTO 6 Aprel 2020, 11:30 Karantin rejimini pozan daha 6 nəfər HƏBS OLUNDU 6 Aprel 2020, 11:27 Naxçıvanda 18 nəfər koronavirusa YOLUXDU 6 Aprel 2020, 11:17 Qırğızıstan televızıyasında Mehriban Əliyevanın milli mədəniyyətə verdiyi töhfələrdən danışıldı 6 Aprel 2020, 11:14 Lənkəranda karantinlə bağlı tənha və ahıl vətəndaşlara baş çəkilib - FOTO 6 Aprel 2020, 11:07 “Apple” qoruyucu maskalar istehsal edəcək 6 Aprel 2020, 11:00 “ASAN xidmət”: “SMS-lə verilən icazə təxirə salına bilməz!” 6 Aprel 2020, 10:53 Hökumətin hesabatı 2 gün çəkə bilər 6 Aprel 2020, 10:53 Polisin KİTABI 6 Aprel 2020, 10:40 "Azəriqaz" müştəri xidmətlərinin iş rejimini açıqladı 6 Aprel 2020, 10:20 Ağcabədidə dəhşət: Qardaşları benzin töküb yandırdılar 6 Aprel 2020, 10:18 Nazirlik bu şəhər və rayonlarda yoxlamalar apardı - inzibati tənbeh qərarı verildi 6 Aprel 2020, 10:06 Pərviz Abdullayevi “Survivor” yarışmasından çıxarmaq İSTƏYİRLƏR 6 Aprel 2020, 10:00 Karantin rejimini pozan 5 446 nəfər məsuliyyətə cəlb edildi 6 Aprel 2020, 09:54 Xocalı polisi “Evdə qal” devizi altında aksiya keçirib - FOTO 6 Aprel 2020, 09:48 Daha üç partiya maliyyə hesabatını MSK-ya təqdim edib 6 Aprel 2020, 09:40 Koronavirus Sumqayıt küçələrini sükuta qərq edib - FOTO 6 Aprel 2020, 09:38 Həftənin ilk iş günü üçün dolların MƏZƏNNƏSİ   6 Aprel 2020, 09:32 “Azərbaycanda koronavirusa yoluxma nəzarətdən çıxsa, qarşısını almaq çətin olacaq” - Bioloqla #evdəqal SÖHBƏTİ 6 Aprel 2020, 09:25 Cəbhədə gərginlik: düşmən iriçaplı pulemyotlardan kəndlərimizi atəşə tutub 6 Aprel 2020, 09:21 8103 SMS icazə sistemi ilə bağlı ən çox verilən sualların CAVABLARI 6 Aprel 2020, 09:14 Neft 10 faizə yaxın ucuzlaşdı 6 Aprel 2020, 09:13 Hindistan 9 dəqiqə işıq saçdı 6 Aprel 2020, 09:07 Koronavirusu 48 saat içində məhv edən dərman tapılıb 6 Aprel 2020, 09:00 Çində güclü zəlzələ olub 6 Aprel 2020, 08:59 Hacı Əbdül vəfat edib   6 Aprel 2020, 08:51 Xan kimi qürurlu xalq artisti 6 Aprel 2020, 08:28 Bu ölkədə də virusa yoluxanların sayı 100 mini ötdü 6 Aprel 2020, 01:28 Koronavirusa yoluxan Boris Conson xəstəxanaya yerləşdirildi 6 Aprel 2020, 00:59