Arxiv
5 İyun 2020, 14:52 | AKTUAL
Azay Quliyev Milli Məclisdə seçicilərinin problemlərini qaldırıb

Deputat Azay Quliyev Milli Məclisin bugünkü iclasında 2019-cu ilin dövlət büdcəsinin icrasına dair qanun layihəsinin müzakirəsi zamanı çıxış edərək bir sıra vacib məsələlərlə bağlı fikirlərini bildirib.

Modern.az-ın məlumatına görə, Azay Quliyev əhalinin rifah halını yüksəltmək, sosial müdafiəsini gücləndirmək üçün fiziki şəxslərin problemli kreditləri ilə bağlı 639 milyon manat vəsaitin xərclənməsinin mühüm əhəmiyyəti olduğunu deyib. Deputat 11 min şəhid ailəsinə birdəfəlik müvainətin verilməsini də yüksək qiymətləndirdiyini vurğulayaraq hər iki ictimai əhəmiyyətli məsələnin həllinə görə cənab prezidentə təşəkkürünü bildirib.
Azay Quliyev iclasda, həmçinin, deputat seçildiyi 8 saylı Binəqədi birinci seçki dairəsinin seçicilərinin üzləşdiyi 3 problemli məsələ haqqında da danışıb. Deputat bildirib ki, 2019-cu ilin dövlət büdcəsində Binəqədi rayonu, Ağasadıq Gəraybəyli küçəsi, 41 saylı və Koroğlu Rəhimov küçəsi, ev 53a ünvanda yerləşən və qəzalı vəziyyətdə olan yataqxana binalarının sakinlərinin 30 kv.mə qədər olan mənzillərinin hər birinə görə 30 min manat, sahəsi 30 kv.m-dən yuxarı olan mənzillərin hər kvadrat metri üçün isə əlavə olaraq min manat məbləğində birdəfəlik maddi yardım müəyyən edilmişdir: “Lakin sonradan bəlli oldu ki, maddi yardımı hesablayan zaman 19 ailənin mülkiyyət hüququnu təsdiq edən bir çıxarış üzrə ayrı-ayrılıqda 2 mənzilin olması nəzərə alınmayıb, onlara yalnız bir mənzil üzrə maddi yardım təklif edilib. İndi həmin sakinlər bu vəsaiti almaqdan imtina edərək onların haqq etdiyi vəsaitin tam ödənilməsini tələb edirlər. Aidiyyəti qurumların hesablamalarına görə 19 ailəyə əlavə olaraq 455 min manat məbləğində maddi yardım ödənilməli və onlar qəzalı evlərdən köçürülməlidirlər. Lakin bu məsələ indiyə qədər öz həllini tapmayıb”. İki dəfə həmin binada olaraq oradakı acınacaqlı vəziyyətlə yerindəcə tanış olduğunu deyən Azay Quliyev binanın həqiqətən tam qəzalı vəziyyətə düşdüyünü və hər an arzuolunmaz hadisənin baş verə biləcəyini bildirib. Deputat Maliyyə Nazirliyindən xahiş edib ki, bu sakinlərə nəzərdə tutulan vəsaitin ödənişini sürətləndirsin ki, onların təcili köçürülməsi baş tutsun.

Azay Quliyev 7-ci mikrorayonda Fərman Məlikov və Kunanbayev küçələrində, 8-ci mikrorayonda Azadlıq prospekti, S.S.Axundov və Naxçıvani küçələrində 15 binanın təbii qazla təmin olunmaması ilə bağlı məsələni də diqqətə çatdırıb. Deputat bildirib ki, sovetlər dövründə layihələşdirilən həmin binalarda təbii qaz təchizatı sistemi nəzərdə tutulmayıb. Ona görə də bu tip binalarda sakinlər yalnız elektrik enerjisindən istifadə edə bilirlər ki, bu da onlar üçün ciddi maliyyə yükü yaradır: “Əvvəlki illərdə də həmin binaların qazlaşdırılması haqqında hökumətə müraciətlər edilsə də bu problem həllini tapmayıb. Ölkəmizdə qazlaşdırmanın genişləndirilməsi məqsədilə büdcədən Dövlət Neft Şirkətinə 389 milyon manat vəsait ayrılıb. Yerli icra strukturlarının verdiyi məlumata əsasən bu məsələnin həlli məqsədilə müvafiq investisiya proqramında müəyyən vəsait nəzərdə tutulsa da, onun icrası hələ də təmin edilməyib. Mən dünən bu məsələni “Azəriqaz” İstehsalat Birliyinin rəhbəri hörmətli Ruslan Əliyevlə bir daha müzakirə etdim və bəlli oldu ki, nəzərdə tutulan vəsaitin ayrılacağı təqdirdə bu problemin həlli mümkündür. Ona görə həm ARDNŞ, həm də digər aidiyyatı qurumlardan məsələnin həllinə köməklik etmələrini xahiş edirəm”.

Azay Quliyevin çıxışında toxunduğu üçüncü məsələ iki ildən çox müddətdə 6-cı mikrorayon, İsrafil Həşimov küçəsi, 1 A ünvanında yerləşən və 26 mindən artıq sakinə xidmət edən 27 saylı şəhər poliklinikasının fəaliyyətinin texniki səbəbdən dayandırması ilə bağlı olub. Deputat bildirib ki, bu səbəbdən xeyli sayda insan tibbi xidmətdən istifadə etmək üçün çox böyük çətinliklə 9-cu mikrorayona getmək məcburiyyətində qalır: “Müvafiq qurumlar sakinlərə dəfələrlə söz verib ki, tibbi müəssisələrin maddi texniki bazasının gücləndirməsi üçün ayrılan vəsaitdən poliklinikanın təmiri üçün də vəsait ayrılacaq və bu problem 2019-cu ilin sonuna kimi həllini tapacaq. Lakin təəssüf ki, məsələ indiyə kimi həll olunmamış qalır. Mən 27 saylı şəhər poliklinikasının fəaliyyətinin bərpa edilməsi ilə bağlı TƏBİB-ə bu ilin mart ayında rəsmi məktubla müraciət etmişəm. Ancaq hamımız yaxşı başa düşürük ki, yeni yaradılan TƏBİB hazırda koronavirus pandemiyası ilə bağlı aparılan mübarizədə ön cəbhədə yer alıb və çox yaxşı da fəaliyyət göstərir. TƏBİB-in kollektivinə və bütün tibbi heyətə koronavirusla mübarizədə göstərdikləri fədakarlığa görə təşəkkür edirəm”.

Azay Quliyev ümid etdiyini bildirib ki, İcbari Tibbi Sığorta üzrə Dövlət Agentliyi və TƏBİB pandemiya ilə bağlı məsələlər səngiyən kimi, seçicilərimi ciddi şəkildə narahat bu problemin həllinə köməklik edəcək.

BU KATEQORİYADAN OLAN DİGƏR XƏBƏRLƏR
+ Arxiv
ABŞ-Cənubi Koreya birgə hərbi təlimləri təxirə salına bilər 12 İyul 2020, 10:59 Dünyada koronavirusa yoluxan 565 min nəfər həyatını itirib 12 İyul 2020, 10:51 İsveçrə klubu karantinə alındı 12 İyul 2020, 10:48 Kürdəmirdə ata oğlunu güllələdi 12 İyul 2020, 10:38 Gürcüstanda koronavirusa yoluxanların sayı 986 nəfərə çatdı 12 İyul 2020, 10:28 Böyük Britaniyada virusdan ölənlərin sayı 44 min 798 nəfərə çatdı 12 İyul 2020, 10:22 Çində 5.1 maqnitudalı zəlzələ 12 İyul 2020, 10:18 Gəncədə yaşayış evlərini su basdı 12 İyul 2020, 10:12 ABŞ-da son sutkada 71 mindən çox insanda koronavirus aşkarlandı 12 İyul 2020, 09:59 İndoneziyada koronavirusla mübarizə üçün evkaliptdən boyunbağı hazırlandı 12 İyul 2020, 09:51 Rusiyada koronavirus üçün peyvəndin ilk sınağı başa çatdı   12 İyul 2020, 09:40 Müdafiə Nazirliyi cəbhədəki gərginliklə bağlı məlumat yaydı 12 İyul 2020, 09:35 İsveçrədə robot ərzaq köşkləri fəaliyyətə başladı 12 İyul 2020, 09:30 Dünyanın qeyri-adi memarlıq abidələri 12 İyul 2020, 09:19 Yaponiya şirkəti tərcüməçi-maska hazırladı 12 İyul 2020, 09:09 Kassirin səhvi pensiyaçını milyonçu etdi 12 İyul 2020, 09:05 Türkiyədə ən hündür körpünün açılışı oldu 12 İyul 2020, 09:00 İngiltərədə 2500 il bundan əvvələ aid insan skeleti tapıldı 12 İyul 2020, 08:51 ABŞ-da iki polis əməkdaşı öldürüldü 12 İyul 2020, 08:46 Almaniyada daha 248 nəfər virusa yoluxdu - 3 ölü 12 İyul 2020, 08:35 Məşhur hind aktyoru və oğlu koronavirusa yoluxdu 12 İyul 2020, 08:25 Tramp pandemiya dövründə ilk dəfə tibbi maskadan istifadə etdi 12 İyul 2020, 08:15 İŞİD-dən hərbçilərə qarşı terror 12 İyul 2020, 00:51 Britaniyada koronavirus qurbanlarının sayı 44 798-ə çatıb 12 İyul 2020, 00:38 Azərbaycanda prokuror koronavirusa YOLUXDU 12 İyul 2020, 00:23 Abşeronda avtomobil yandı 11 İyul 2020, 23:57 Mikroavtobus qəzasında yaralananların kimliyi bilindi - YENİLƏNİB 11 İyul 2020, 23:45 Xəzər sahilinə S-300 zenit raket kompleksi yerləşdirildi 11 İyul 2020, 23:31 Messidən daha bir tarixi rekord 11 İyul 2020, 23:19 Reanimasiyadakı COVİD-19 xəstələrinin sayı 339 nəfərə çatdı - STATİSTİKA 11 İyul 2020, 23:00 Şəhriyar Məmmədyarovdan növbəti qələbə 11 İyul 2020, 22:46 Əfsanəvi aktyor koronaya yoluxdu 11 İyul 2020, 22:29 İtaliyada koronavirusdan sutkalıq ölüm halı 7  nəfərədək azaldı 11 İyul 2020, 22:12 Baydendən Ərdoğana çağırış 11 İyul 2020, 21:56 Türkiyədə daha  21 nəfər koronavirusun qurbanı oldu 11 İyul 2020, 21:37