Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı iyulun 12-nə olan statistik göstəriciləri açıqlayıb.
Modern.az xəbər verir ki, məlumatda bu gün ərzində Azərbaycanda koronavirusla bağlı 7 878 test edildiyi bildirilib.
Qeyd olunub ki, ölkə ərazisində bu günə qədər 568 234 test aparılıb. İndiyədək 284 nəfər COVID-19-dan dünyasını dəyişib, 13 591 nəfər xəstəliyə qalib gəlib. Aktiv xəstə sayı 8 642 nəfərdir. Hazırda 356 nəfər reanimasiyada müalicə alır. 58 nəfər isə süni tənəffüs cihazına qoşulub.
Qeyd edək ki, bu gün Azərbaycanda 520 yoluxma faktı qeydə alınıb, 8 nəfər dünyasını dəyişib.
