Modern.az

Professor Buludxan Xəlilov vəfat edib

Professor Buludxan Xəlilov vəfat edib

Allah rəhmət eləsi̇n

27 Sentyabr 2021, 09:22

Azərbaycan Dövlət Pedaqoji Universitetinin Müasir Azərbaycan dili kafedrasının müdiri Buludxan Xəlilov vəfat edib.

 

Modern.az xəbər verir ki, 55 yaşında dünyasını dəyişən B.Xəlilov xərçəng xəstəliyindən əziyyət çəkirdi.

 

Buludxan Xəlilov 1966-cı  il iyulun 25-də Qərbi Azərbaycanın Amasiya rayonunun Ellərkənd kəndində anadan olub. Burada kənd orta məktəbini bitirdikdən sonra Azərbaycan Dövlət Pedaqoji İnstitutunun Azərbaycan dili və ədəbiyyatı fakültəsində təhsil alıb (1983-1990). Ordu sıralarında hərbi xidməti borcunu yerinə yetirib (1985-1987). Əmək fəaliyyətinə Azərbaycan Dövlət Pedaqoji İnstitutunun Azərbaycan dili kafedrasında laborant kimi başlayıb. Burada baş laborant, müəllim (1990-1996) işləyib, 2001-ci ildən professor idi.
O, uzun illər Filologiya fakültəsinin dekanı vəzifəsində işləyib.

Müasir ədəbi-tənqidi fikrin, ədəbi irsin araşdırılmasında öz dəst-xətti ilə seçilib. Ədəbi dilin tədqiqinə dair bir sıra monoqrafik əsərin müəllifidir. Uzun müddət dövri mətbuatda elmi, elmi-kütləvi məqalələrlə çıxış edib.

 

Allah rəhmət eləsin…

Whatsapp
Bizə yazın!
Keçid et
Son dəqiqə- Paşinyan Qazaxın Əskipara kəndinə gəldi