Prezident İlham Əliyev avqustun 30-da Sinqapurda keçirilmiş Yeniyetmələrin I Olimpiya Oyunlarında qalib gələn idmançılar və onların məşqçilərinin mükafatlandırılması haqqında sərəncam imzalayıb.
Sərəncama görə həmin yarışlarda birinci yeri tutan hər bir idmançıya 50 min manat, onun məşqçisinə isə 25 min manat, ikinci yeri tutan hər bir idmançıya 30 min manat, onun məşqçisinə isə 15 min manat pul mükafatı veriləcək.
Xatırladaq ki, Yeniyetmələrin I Yay Olimpiya Oyunlarında Azərbaycan 5 qızıl, 3 gümüş medal qazanıb.
