Azərbaycanda 2025-ci il və 2026-cı ilin birinci rübü üzrə turizm gəlirləri, turist sayı və gecələmələrə dair göstəricilər açıqlanıb.
Bu barədə Modern.az-ın sorğusuna cavab olaraq Dövlət Turizm Agentliyindən məlumat verilib.
2025-ci ildə Bakı şəhərində turizmdən 3 milyard 251 milyon 511,4 min manat gəlir əldə olunub, gecələmələrin sayı 47 milyon 249 min 126 təşkil edib.
Qəbələdə turizm gəliri 233 milyon 801 min manat, gecələmələrin sayı 2 milyon 760 min 724 olub. Qusarda 216 milyon 168,1 min manat gəlir və 2 milyon 466 min 353 gecələmə, Qubada 218 milyon 400,1 min manat gəlir və 3 milyon 2 min 148 gecələmə qeydə alınıb.
Naxçıvanda turizm gəliri 196 milyon 906,1 min manat, gecələmələrin sayı 3 milyon 129 min 789 təşkil edib. Xaçmazda 165 milyon 465,8 min manat gəlir əldə olunub, gecələmələrin sayı 2 milyon 34 min 230 olub.
Abşeronda turizm gəliri 138 milyon 544,4 min manat, gecələmələrin sayı 3 milyon 358 min 485, Sumqayıtda gəlir 116 milyon 941,9 min manat, gecələmələrin sayı 2 milyon 802 min 39 təşkil edib.
Lənkəranda 84 milyon 955,4 min manat gəlir və 1 milyon 565 min 437 gecələmə, İsmayıllıda isə 84 milyon 93,8 min manat gəlir və 2 milyon 99 min 804 gecələmə qeydə alınıb.
2026-cı ilin birinci rübündə Bakıda turizm gəliri 743 milyon 21,1 min manat, gecələmələrin sayı 11 milyon 457 min 571 olub. 2025-ci ilin eyni dövründə paytaxtda gəlir 543 milyon 890,7 min manat, gecələmələrin sayı isə 8 milyon 684 min 129 təşkil etmişdi.
Naxçıvanda 2026-cı ilin birinci rübündə turizm gəliri 30 milyon 296,5 min manat, gecələmələrin sayı 388 min 921 olub. Ötən ilin eyni dövründə bu göstəricilər müvafiq olaraq 47 milyon 493,3 min manat və 616 min 997 idi.
Qusarda turizm gəliri 57 milyon 687,6 min manatdan 28 milyon 419,4 min manata, gecələmələrin sayı 630 min 310-dan 254 min 630-a enib. Qəbələdə gəlir 61 milyon 596,8 min manatdan 27 milyon 209,3 min manata, gecələmələrin sayı 672 min 983-dən 329 min 902-yə düşüb.
Qubada gəlir 47 milyon 620,5 min manatdan 33 milyon 541,3 min manata, gecələmələrin sayı 712 min 53-dən 465 min 520-yə enib. Abşeronda gəlir 32 milyon 889,3 min manatdan 20 milyon 42,3 min manata, gecələmələrin sayı 780 min 163-dən 453 min 642-yə düşüb.
Sumqayıtda turizm gəliri 28 milyon 52,9 min manatdan 21 milyon 6,3 min manata, gecələmələrin sayı 684 min 815-dən 447 min 590-a enib. Gəncədə gəlir 22 milyon 942,2 min manatdan 9 milyon 986,5 min manata, gecələmələrin sayı 415 min 828-dən 187 min 369-a düşüb.
Şəkidə 2026-cı ilin birinci rübündə turizm gəliri 12 milyon 668,1 min manat, gecələmələrin sayı 251 min 931 olub. 2025-ci ilin eyni dövründə gəlir 19 milyon 250,7 min manat, gecələmələrin sayı 369 min 412 təşkil etmişdi.
Xaçmazda turizm gəliri 21 milyon 962,2 min manatdan 12 milyon 961,2 min manata, gecələmələrin sayı isə 290 min 31-dən 178 min 878-ə enib.
Turizm gəlirlərində artım qeydə alınan şəhər və rayonlar da olub. Bakıda gəlirlər 37 faiz, İsmayıllıda 4 faiz, Naftalanda 54 faiz, Lerikdə 17 faiz, Xızıda 80 faiz, Goranboyda 46 faiz, Tərtərdə 90 faiz, Daşkəsəndə isə 73 faiz artıb.
2026-cı ilin birinci rübündə turistlərin sayı Bakıda 466 min 329 nəfər olub. Bu, əvvəlki ilin eyni dövrü ilə müqayisədə 9 faiz çoxdur. Şamaxıda turistlərin sayı 3 faiz artaraq 16 min 257, Naftalanda 63 faiz artaraq 13 min 915, Xızıda 136 faiz artaraq 6171 nəfərə çatıb.
Tərtərdə turistlərin sayı 88 faiz artaraq 4588, Daşkəsəndə isə 76 faiz artaraq 2484 nəfər olub.
