Bu gün Gənclər üçün Təhsil Mərkəzi tərəfindən Azərbaycanda fəaliyyət göstərən bir sıra diplomatik korpusa bayram xonçası göndərilib.
Mərkəzdən bildirilib ki, həyata keçirilən təşəbbüsün əsas məqsədi qədim tarixə malik olan və bu gün də xalqımız tərəfindən sevinclə qarşılanan Novruz bayramı haqqında xarici ölkə vətəndaşlarının məlumatlandırılmasıdır. Mərkəzin informasiya bölməsində bildirilib ki, Azərbaycanda ilk dəfə həyata keçirilən bu təşəbbüs çərçivəsində 30-a yaxın səfirlik və beynəlxalq təşkilat ofisinə bayram xonçaları təqdim edilib.
