28 mart 2013-cü il tarixində Azərbaycan Respublikasının Cənubi Afrika Respublikasındakı Səfirliyi 31 Mart Azərbaycanlıların Soyqırımı gününün növbəti ildönümü ilə əlaqədar fəaliyyət göstərdiyi ölkədəki səfirliklər və dövlət orqanları arasında bəyanat yayıb.
Səfilikdən Modern.az-a bildirilib ki, bəyanatda soyqırımın tarixi və ağır nəticələri haqda geniş məlumat verilib. 31 Mart Azərbaycanlıların Soyqırımı haqda ümumi məlumat əks olunan bəyanatda həmçinin Ermənistan-Azərbaycan Dağlıq Qarabağ münaqişəsi çərçivəsində Xocalı soyqırımının baş verdiyi vurğulanıb və bu problemin hazırki günədək öz həlli yolunu tapmadığı bildirilib. Həmçinin bəyanat CAR-da fəaliyyət göstərən Azərbaycan Dostları (Friends of Azerbaijan) qeyri-hökumət təşkilatının rəsmi internet səhifəsində yerləşdirilib (//azerbaijan.org.za/index.php/history/44-1918-genocide-of-azerbaijanis-by-armenian-forces).
