Avroliqanın yarımfinal mərhələsində üzləşəcək komandalar bəlli oldu. Modern.az-ın məlumatına görə, Bu gün İsveçrənin Nion şəhərində keçirilən püşkatmada Türkiyəni təmsil edən "Fənərbaxça" klubunun rəqibi "Benfika" olub.
İlk oyun aprelin 25-də İstanbulda, cavab görüşü isə mayın 2-də Lissabonda olacaq.
İngiltərənin "Çelsi" klubunun püşkünə İsveçrənin "Bazel" klubu çıxıb. İlk oyun aprelin 25-də İsveçrədə, cavab görüşü isə mayın 2-də İngiltərədə baş tutacaq.
Bu gün Çempionlar Liqasının yarımfinal mərhələsinin püşkatma mərasimi də keçirilib.
Modern.az-ın məlumatına görə, bu mövsüm Avropanın ən dörd güclü klublarından ikisi Almaniya təmsilçisi ikisi isə İspaniyanı təmsil edir. Püşkün nəticəsinə əsasən, yarımfinalda aşağıdakı cütlüklər qarşılaşacaq:
“Bavariya” (Almaniya) - "Barselona" (İspaniya)
“Borussiya” (Dortmund, Almaniya) - “Real” (İspaniya)
Qeyd edək ki, Çempionlar Liqasının yarımfinalında ilk görüşlər aprelin 23-24-ü, cavab oyunları isə aprelin 30-u və mayın 1-də keçiriləcək.
Modern.az
