Azərbaycan Respublikasının Prezidenti İlham Əliyev mayın 19-da ölkəmizdə işgüzar səfərdə olan Yunanıstanın Baş naziri Antonis Samarasla görüşüb. Görüşdə Azərbaycan ilə Yunanıstan arasında ikitərəfli münasibətlərin siyasi, iqtisadi, mədəni sahələrdə uğurla inkişaf etdiyi qeyd olunub. Ölkələrimiz arasında enerji sahəsində əməkdaşlığının bundan sonra da genişləndirilməsi üçün yaxşı perspektivlərin olduğu vurğulandığı görüşdə ikitərəfli münasibətlərin Azərbaycan Avropa İttifaqı əlaqələri baxımından önəmli olduğu bildirilib.
Görüşdə qarşılıqlı maraq doğuran digər məsələlərə dair fikir mübadiləsi aparılıb.
Sonra danışıqlar işçi nahar zamanı davam etdirilib.
Modern.az
