Millət vəkili Fuad Muradov “Azərbaycan Respublikasının işğal olunmuş olunmuş əraziləri haqqıda” qanun layihəsinin Milli Məclisə daxil olması haqda mətbuatda yayılan xəbərlər münasibət bildirib. Modern.az-a açıqlamasında deputat belə bir sənədin hazırlanmasının asan məsələ olmadığını deyib:
“Belə bir sənədin hazırlanması asan məsələ deyil. Bu ciddi bir işdir. Məndə olan məlumata görə, parlamentdə belə bir qanun layihəsi daxil olmayıb. Hər hansı deputat söylənilən məsələ ilə bağlı qanun layihəsi hazırlamaq istəyirsə bu uzun zaman çəkəcək. Çünki sənədin işlənməsi üçün beynəlxalq təcrübənin öyrənilib tətbiq edilməsi zəruridir”-deyə F.Muradov bildirib.
Modern.az
