Modern.az saytı xəbər verir ki, Cənubi Azərbaycanın paytaxtı Təbrizin "Traktorsazi" klubu Asiya Çempionlar Liqasında bu gün növbəti matçına çıxıb.
C qrupunda mübarizə aparan komanda qrupun lideri "Əl-Əyn"lə (Birləşmiş Ərəb Əmirlikləri) qarşılaşıb. Matç 2:2 hesablı bərabərliklə başa çatıb. Bu nəticə ilə xallarını 5-ə yüksəldən Təbriz təmsilçisi ikinci pilləyə yüksəlib.Qeyd edək ki, hazırda 4 xalı olan "Lexviya" və 3 xala malik "Əl- İttihad" "Traktozsazi"dən bir oyun az keçirib.
1 aprel
"Traktorsazi - "Əl-Əyn" - 2:2
Qollar: Səid Dəqiqi, 20 (1:0), Asamoah Qyan, 54 (1:1), Məhəmməd Əddulrəhman, 59 (1:2), Fərhad Əhmədzadə, 61 (2:2)
Modern.az
