Yunanıstan Super Liqasında ötən həftə sonu oynanan “Panathinaikos” ilə “Olimpiakos” arasındakı matçda çıxan hadisələr səbəbilə liqaların müddətsiz təxirə salındığı iddia edilib. Modern.az bildirir ki, bu ölkə mətbuatında yer alan xəbərlərdə, Yunanıstanın idman nazirinin müavini Stavro Kontonisin Yunanıstan Super Liqa rəhbəri Yorgo Borovilo və Yunanıstan Futbol Federasiyasının prezidentinin müavini Vangelis Topolyati ilə keçirdiyi toplantıda, liqaların müddətsiz təxirə salındığı qərarının verildiyini və lazımi tədbirlər görülməyəcəyinə qədər oyunların keçirilməyəcəyini bəyan edib. İdman nazirinin müavini Kontonisin bu gün axşam saatlarında baş nazir Aleksis Çipras ilə görüşəcək və rəsmi açıqlamanı verəcək.
Bazar günü paytaxt Afinadakı Apostolos Nikolaidis stadionunda oynanan “Panathinaikos” ilə “Olimpiakos” matçı ərəfəsində ikinci klubun rəhbəri Evangelos Marinakisin sahəyə girməsinin ardından oyun meydanına enən “Panathinaikos” tərəfdarları ilə polis arasında qalmaqal yaşanıb. Təhlükəsizlik qüvvələri Marinakisi çevrəyə alaraq soyunub-geyinmə otağına aparıb.
