Bu gün Göyçay-Ucar avtomobil yolunun açılışı baş tutub. Açılışda Azərbaycan Respublikasının Prezident İlham Əliyev iştirak edib.
Modern.az-ın məlumatına görə, “Azəryolservis” ASC-nin sədr əvəzi Saleh Məmmədov dövlət başçısına Göyçay-Ucar avtomobil yolunun yenidən qurulması layihəsi çərçivəsində görülən işlər barədə məlumat verib.
Bildirilib ki, 3-cü texniki dərəcəli bu yolun uzunluğu 20 kilometrə yaxındır. Eni 12 metr olan yolda iki hərəkət zolağı var. Yol üzərində müxtəlif qovşaqlar, həmçinin bir dəmiryol körpüsü yerləşir. Bu yol Göyçay-Ucar istiqamətində avtomobillərin rahat hərəkətini təmin etməklə yanaşı, bölgədə gedən iqtisadi inkişaf proseslərinə də öz təsirini göstərəcək. Dövlət başçısı rəmzi açılışını bildirən lenti kəsib. Modern.az
