Monqolustanda etirazçılar Ulan-Batorun mərkəzi meydanına toplaşaraq prospekti bağlayıblar.
Modern.az bu barədə Monqolustan mətbuatına istinadən xəbər verir.
Məlumata görə, mərkəzi meydandan keçən 15 avtobus marşrutu ləğv edilib.
Mitinq bu gün səhər, yanvarın 11-də Azadlıq Alyansı partiyasının rəhbərliyi ilə başlayıb. Yerli vaxtla saat 12:00-da meydanda 3 minə yaxın insan olub.
Nümayişçilər Monqolustan hakimiyyətini sərt şəkildə ittiham ediblər.
Azadlıq Alyansı Partiyası parlament üzvlərinə indiki Monqolustan hökumətinin istefası tələbi ilə 33 məktub göndərib.
