2016-ci ildə yeni doğulan körpələrə verilmiş adlar sırasında yenə Zəhra və Yusif öndədir. Ədliyyə Nazirliyindən Modern.az-a verilən məlumata görə, ilin başlanğıcından bu günə kimi 539 qıza Zəhra adı qoyulub. İkinci pillədə 454 qıza qoyulan Nuray adı gəlir. Aylin (340), Zeynəb (340), Fatimə (336) adları isə sonrakı pillərdə gələn qız adlarıdır.
Bu müddət ərzində 640 oğlan uşağına Yusif adı qoyulub. Bunun ardınca oğlan uşaqlarına ən çox qoyulan sonrakı adlar Hüseyn (443), Əli (405), Ömər (310), Muraddır (259).
2011-ci ildə 3756, 2012-ci ildə 3899, 2013-cü ildə 4249, 2014-cü ildə 4408, 2015-ci ildə 3503 qız uşağına Zəhra adı qoyulub.
2011-ci ildə 4170, 2012-ci ildə 3993, 2013-cü ildə 4413, 2014-cü ildə 4767, 2015-ci ildə 3547 oğlan uşağına Yusif adı verilib.
Aytən ZƏHRA
