“Prezident İlham Əliyev və Birinci vitse-prezident Mehriban Əliyevanın tapşırığına əsasən Mərkəzi Nəbatat Bağı ilə bağlı yeni layhə hazırlanır”.
Modern.az xəbər verir ki, bunu jurnalistlərə açıqlamasında Bakı Şəhər İcra Hakimiyyətinin başçısı Eldar Əzizov bildirib.
Onun sözlərinə görə, bu, xaricdən gələn mütəxəssislərin iştirakı ilə hazırlanan unikal layihə olacaq: "Parkın ərazisi 46 hektardan ibarətdir. Layihə üzərində iş tamamlanır, tam hazırlanandan sonra ictimaiyyətə təqdim olunacaq. Təbii ki, müəyyən vaxt aparacaq".
