Mayın 22-də Azərbaycan kubokunun final matçı keçirilib. Modern.az xəbər verir ki, finalda "Qəbələ" və "Neftçi" klubları üz-üzə gəlib.
Tofiq Bəhramov adına Respublika stadionunda baş tutan matçda əsas vaxt 1:1 hesabı ilə başa çatdığı üçün əlavə vaxta ehtiyac duyulub. Əlavə vaxtda da hesab dəyişmədiyi üçün qalib penaltilər seriyasında müəyyənləşib.
"Neftçi" bu seriyada daha dəqiq oynayaraq Azərbaycan kubokunun sahibi olub.
Qeyd edək ki, hər iki klub yeni mövsümdən ölkəmizi Avropa Liqasında təmsil edəcək.
"Qəbələ" - "Neftçi" - 1:1 (penaltilər seriyası - 2:3)
