Qondarma "Dağlıq Qarabağ respublikası"nın separatçı hakimiyyəti Azərbaycan vətəndaşı Həsən Həsənovun meyitini qaytarmağa hazır olduğunu bəyan edib. Modern.az saytı xəbər verir ki, bu barədə erməni mətbuatı məlumat yayıb.
Qeyd edək ki, Ermənistan silahlı qüvvələri işğal etdikləri Kəlbəcər rayonunda iki Azərbaycan vətəndaşını girov götürüb. Həmin şəxslər Şahbaz Quliyev və Dilqəm Əsgərovdur. Onlarla getmiş 3-cü şəxs – Həsən Həsənov isə girov düşərək öldürülüb və Dağlıq Qarabağda ermənilər tərəfindən BQXK-nın nümayəndəsinin iştirakı ilə dəfn olunub. Onun meyitinin geri qaytarılması üçün dialoqlar davam etdirilir.
