Özlərini “Hacı əl-Biru” qruplaşmasının yaraqlıları adlandıran 16 qadın terror aktları törətmək məqsədilə Avropa ölkələri vasitəsilə Rusiyaya gəlib.
Modern.az Rusiya mediasına istinadən bildirir ki, ölkənin güc strukturları terrorçu-kamikadzelər haqda məlumat əldə ediblər. Bu qadınlarla bağlı məlumatların bütün xüsusiləşdirilmiş hüquq-mühafizə idarələrinə göndərildiyi bildirilir. Onların Türkiyə ərazisindəki düşərgələrdən birində hazırlıq keçdikdən sonra fevral ayının sonunda təxribat-terror fəaliyyəti üçün Rusiyaya gəldikləri iddia edilir.
Terrorçuların əsas hədəflərinin ictimai nəqliyyat, metro stansiyaları və hərbi hissələr olduğu istisna edilmir.
Modern.az
