Վերջին հինգ տարում համաշխարհային համախառն ներքին արդյունքի ավելի քան 40 տոկոսը բաժին է ընկել BRICS երկրներին։ G7 երկրների ներդրումը համաշխարհային տնտեսության մեջ կազմել է 29 տոկոս։
Modern.az-ը հայտնում է, որ այս մասին հայտարարել է ՌԴ նախագահ Վլադիմիր Պուտինը BRICS բիզնես ֆորումում իր ելույթի ժամանակ։
«Պարզ չէ, թե ինչու է այս յոթնյակը կոչվում «մեծ»», - ասել է ՌԴ ղեկավարը՝ մեկնաբանելով G7 երկրների ցուցանիշները։
Պուտինի խոսքով, եվրոգոտու առաջատար տնտեսություններում արդյունաբերական արտադրությունը նվազել է 8 տոկոսով, և համաշխարհային տնտեսության նախկին առաջատարներին փոխարինում են նոր «զարգացման լոկոմոտիվները»։
ՌԴ նախագահը նաև հայտարարել է, որ իր երկրի դեմ կիրառվել է 30 հազար պատժամիջոց։ Նրա պնդմամբ, սա երկու անգամ ավելի է, քան այլ երկրների դեմ միասին կիրառված պատժամիջոցների թիվը։
Պուտինն ասել է, որ պատժամիջոցների նախաձեռնողներն իրենք են բախվում տնտեսական անկման և նորարարական քաղաքականություն վարելու իրենց կարողությունները թուլացել են։
Նա նաև մեղադրել է Արևմուտքին լոգիստիկ երթուղիների վրա ճնշում գործադրելու և նավերը գրավելու միջոցով իր նախկին առաջատարությունը վերականգնելու փորձեր կատարելու մեջ։
Պուտինն ընդգծել է, որ BRICS-ը փակ միություն չէ և բաց է մնում աշխարհի բոլոր երկրների համար փոխշահավետ համագործակցության համար։
