Բահրեյնը չի մասնակցի Իրանի հետ կոլեկտիվ հանդիպումներին, քանի դեռ չեն վերականգնվել դիվանագիտական հարաբերություններն այդ երկրի հետ։
Modern.az-ը հայտնում է, որ այս մասին տեղեկություն է տարածել Բահրեյնի արտաքին գործերի նախարարությունը։
Նշվել է, որ Բահրեյնը չի մասնակցի նաև Հորմուզի նեղուցում ստեղծված իրավիճակի վերաբերյալ նախարարների հանդիպմանը։ Երկիրը չի մասնակցի Թեհրանի մասնակցությամբ որևէ կոլեկտիվ հանդիպման, քանի դեռ Իրանի հետ դիվանագիտական հարաբերությունները չեն վերականգնվել։
Նախարարությունից նշել են, որ Բահրեյնն այս դիրքորոշումը նախկինում պաշտոնապես հայտնել է Օմանի կողմին դիվանագիտական ուղիներով։
Այնուամենայնիվ, ԱԳՆ-ն ընդգծել է, որ որոշումը չի ազդում Օմանի կառավարության ջանքերին տրված գնահատականի վրա։ Նախարարությունը գովաբանել է Օմանին տարաձայնությունների լուծման համար երկխոսությանը հավատարիմ մնալու համար։
