Կրեմլն այս ձմռանը կարող է փորձել մարդասիրական ճգնաժամ ստեղծել երկրում և կոտրել ուկրաինական հասարակությանը՝ օգտագործելով ցուրտ եղանակը և զանգվածային հարվածներ հասցնելով Ուկրաինայի էներգետիկ համակարգին և կրիտիկական ենթակառուցվածքներին:
Modern.az-ը հայտնում է, որ այս մասին BILD-ին տված հարցազրույցում ասել է ավստրիացի ռազմական փորձագետ Մարկուս Ռայսները։
Նրա խոսքով, Ուկրաինայի հիմնական թույլ կողմերից մեկը հակաօդային պաշտպանության միջոցների, մասնավորապես «Patriot» համակարգերի համար հրթիռների բացակայությունն է։ Միաժամանակ Ռուսաստանն ընդլայնում է ԱԹՍ-ների հարձակումների հնարավորությունները և պատրաստվում է ուժեղացնել օդային արշավը։
Ռայսները կարծում է, որ գալիք ձմեռը կարող է վճռորոշ լինել։ Փորձագետի կարծիքով, ներկայումս ոչ մի նշան չկա, որ Մոսկվան պատրաստ է զիջումների գնալ կամ դադարեցնել պատերազմը։
