Թբիլիսիի քաղաքային դատարանը ձերբակալել է Վրաստանի պաշտպանության նախկին նախարար, ընդդիմադիր «Միացյալ ազգային շարժում» կուսակցության առաջնորդներից մեկին՝ Գիորգի Բարամիձեին։
Modern.az-ը վկայակոչելով վրացական լրատվամիջոցներին, հայտնում է, որ երկրի գլխավոր դատախազությունը սեպտեմբերի 11-ին իր տանը ձերբակալված Բարամիձեի դեմ մեղադրանք է առաջադրել Քրեական օրենսգրքի պետական դավաճանության և դիվերսիայի հոդվածներով։
Սեպտեմբերի 12-ին կայացած դատական նիստում բավարարվել է դատախազության միջնորդությունը, և Բարամիձեի նկատմամբ որպես խափանման միջոց ընտրվել է կալանքը։ Որոշումը կայացրել է դատավոր Էկա Բարբակաձեն։
