WSJ. Կանադան ցանկանում է դառնալ ԵՄ ասոցիատիվ անդամ
Կանադայի վարչապետ Մարկ Քարնին դիտարկում է իր երկրի համար Եվրոպական միության (ԵՄ) ասոցիատիվ անդամի կարգավիճակ ստանալու հնարավորությունը։
Modern.az-ը հայտնում է, որ այս մասին տեղեկություն է տարածել The Wall Street Journal-ը։
Ասոցիատիվ անդամակցությունը կարող է Կանադային թույլ տալ ստանալ մի շարք տնտեսական և քաղաքական առավելություններ՝ առանց ԵՄ լիիրավ անդամ լինելու։
Ըստ թերթի՝ Քարնին մի քանի ամիս շարունակ եվրոպական երկրների ղեկավարների հետ քննարկում է Կանադայի և նրա 41 միլիոն բնակչության՝ ԵՄ-ին «ավելի սերտ ինտեգրման» հարցը։
Օտտավայի և Վաշինգտոնի միջև առևտրային պատերազմի սրման ֆոնին Քարնին փորձում է ԵՄ-ի հետ հարաբերությունները նոր մակարդակի բարձրացնել։ Վարչապետը եվրոպական առաջնորդներին առաջարկել է, որ Կանադան դառնա ԵՄ ասոցիատիվ անդամ։ «The Wall Street Journal»-ը նշում է, որ ԵՄ-ն, որը սովորաբար ճկուն դիրքորոշում չի ցուցաբերում անդամակցության հարցում, ցույց է տվել, որ բաց է Օտտավայի նախաձեռնությունը քննարկելու համար։
Աղբյուրների համաձայն՝ Քարնին իր հատուկ ներկայացուցչին հանձնարարել է ուսումնասիրել այն տարբերակները, որոնք չեն ենթադրում լիիրավ անդամակցություն և միասնական շուկային միանալը ԵՄ-ի հետ, սակայն ստեղծում են հնարավորինս լայն համագործակցության հնարավորություններ։
