Շոտլանդիայի, Ուելսի և Հյուսիսային Իռլանդիայի ղեկավարները երկուշաբթի օրը կհանդիպեն Քարդիֆում՝ ստորագրելու հռչակագիր՝ իրենց երկրների ինքնորոշման և անկախության հանրաքվեներ անցկացնելու իրավունքի վերաբերյալ:
Modern.az-ը հայտնում է, որ այս մասին տեղեկություն է տարածել «The Telegraph»-ը։
Նշվում է, որ սա առաջին դեպքն է, երբ Մեծ Բրիտանիայի այս երեք ինքնավար տարածքների կառավարությունները ղեկավարվում են քաղաքական ուժերի կողմից, որոնք աջակցում են անկախությանը կամ Իռլանդիայի միավորմանը:
Ակնկալվում է, որ կողմերը կհամաձայնեն համագործակցել տնտեսության, էներգետիկայի, Եվրոպական միության հետ հարաբերությունների և «Մեծ Բրիտանիայից հետո հնարավոր ապագայի» նախապատրաստման հարցերում:
Շոտլանդիայի առաջնորդ Ջոն Սուինին հայտարարել է, որ ներկա իրավիճակը «անտանելի է», և ժամանակն է, որ Վեստմինստերը պատրաստվի լուրջ սահմանադրական փոփոխությունների:
Մեծ Բրիտանիայի վարչապետը բացառել է Շոտլանդիայի անկախության վերաբերյալ նոր հանրաքվեի անցկացումը մինչև հաջորդ խորհրդարանական ընտրությունները:
