Հունաստանը Ուկրաինայից պահանջել է դադարեցնել հարձակումները ռուսական նավահանգիստներում գտնվող հունական տանկերների վրա։ Հաղորդվում է, որ այս պայմանի դիմաց Աթենքը պատրաստ է տրամադրել «Patriot» հակաօդային պաշտպանության համակարգերի համար հրթիռներ։
Modern.az-ը հայտնում է, որ այս մասին տեղեկացրել է Ուկրաինայի Գերագույն Ռադայի պատգամավոր Ռուսլան Գորբենկոն։
Նրա խոսքով՝ Կիևը մտադիր չէ ընդունել այս պայմանը։
«Մեզ պայմաններ չեն դրվի։ Կա՛մ դուք դրանք տալիս եք, կա՛մ դրանք օգտագործում եք, բաժանում եք պահեստամասերի, դրանցից կուլոններ եք պատրաստում և կախում ձեր պարանոցից», – ասել է Գորբենկոն։
Նշենք, որ Ուկրաինայի իշխանությունները բազմիցս հայտարարել են «Patriot» համակարգերի համար հրթիռների պակասի մասին և արևմտյան երկրներից խնդրել են լրացուցիչ հակաօդային պաշտպանության միջոցներ և դրանց համար զինամթերք մատակարարել։
