Հաղորդվում է, որ Իրանը դիմել է Ռուսաստանի կառավարությանը՝ խնդրելով տրամադրել «Գերան» անօդաչու սարքերի նոր տարբերակներ՝ Իսրայելի և ԱՄՆ-ի դեմ պատերազմում օգտագործելու համար։
Modern.az-ը հայտնում է, որ այս մասին տեղեկություն է տարածել Financial Times-ը՝ հղում անելով արևմտյան փորձագետներին և Կրեմլին մոտ կանգնած աղբյուրին։
Ըստ տեղեկությունների՝ խոսքը «Շահեդ» անօդաչու թռչող սարքերի նոր մոդիֆիկացիաների մասին է, որոնք ի սկզբանե Իրանը մատակարարել է Ռուսաստանին։
Հրատարակության համաձայն՝ նոր տարբերակները կարող են զարգացնել մինչև 600 կիլոմետր ժամ արագություն, տեղափոխել մինչև 90 կիլոգրամ մարտագլխիկ և անցնել մինչև 1000 կիլոմետր հեռավորություն։
Նշվել է, որ նոր անօդաչու սարքերը հագեցած են ջերմային պատկերման տեսախցիկներով, արհեստական ինտելեկտի վրա հիմնված կառավարման համակարգերով և ռադիոէլեկտրոնային խոչընդոտներից պաշտպանության միջոցներով։ Նշվում է նաև, որ դրանք ապահովված են ցանցային տիպի կապի համակարգով՝ չինական արտադրության մոդեմների միջոցով։
