«Ռոսպոտրեբնադզորը» դադարեցրել է վրացական մի շարք արտադրողների ալկոհոլային և ոչ ալկոհոլային խմիչքների ներմուծումը Ռուսաստան և դրանց վաճառքը երկրում։
Modern.az-ը հայտնում է, որ ռուսական լրատվամիջոցները այս մասին տեղեկություն են տարածել՝ հղում անելով «ՌԲԿ»-ի ձեռք բերած փաստաթղթին։
Սահմանափակումները վերաբերում են որոշ արտադրողների գինու, հանքային ջրի, լիմոնադի և կոլայի արտադրանքին։ Որպես պատճառ նշվում է, որ ապրանքները չեն համապատասխանում տեխնիկական կանոնակարգերի պահանջներին։
Ըստ տեղեկությունների՝ արգելքը չի տարածվում վրացական բոլոր ապրանքների վրա։ «Ֆոնտանկա» հրատարակությունը նշել է, որ լուրը դեռ պաշտոնական հաստատում չունի։
